Pedwar Cymrawd Newydd yn Cael eu penodi o Brifysgol Bangor
Mae’r Gymdeithas Ddysgedig Cymru wedi cyhoeddi pedwar Cymrawd ewydd o Brifysgol Bangor ymhlith y Cymrodyr newydd sy’n rhychwantu sectorau’r celfyddydau, y dyniaethau, y gwyddorau a gwasanaeth cyhoeddus. Mae etholiad i’r Gymrodoriaeth yn gydnabyddiaeth gyhoeddus o ragoriaeth academaidd, a cheir cystadlu brwd i ymuno. Etholir Cymrodyr yn dilyn asesiad trylwyr o’u cyflawniadau yn eu meysydd perthnasol.
Ymysg y rhai sy’n aelodau newydd mae:
Yr Athro Tony Brown FLSW, Athro Emeritus, Ysgol Llenyddiaeth Saesneg;
Yr Athro Raluca Luria Radulescu FLSW, Athro Llenyddiaeth Canoloesol, Ysgol Llenyddiaeth Saesneg;
Yr Athro David Neville Thomas FLSW, Athro Bioleg Forol a Pennaeth Ysgol Gwyddorau Eigion, Bangor; Cyfarwyddwr Sêr Cymru, Hyfforddwr mewn Bioleg, Helsinki; Athro Ymchwil yn Athrofa Ymchwil y Ffindir;
Yr Athro Deri Tomos FLSW, Athro Emeritws, Ysgol y Gwyddorau Biolegol,
Meddai’r Athro John G Hughes, Is-ganghellor: "Rwyf wrth fy modd bod saith aelod ychwanegol o’n staff academaidd wedi cael eu cydnabod a'u hanrhydeddu gyda Chymrodoriaeth Cymdeithas Ddysgedig Cymru. Mae hyn yn adlewyrchiad pellach o amlygrwydd yr unigolion o fewn eu disgyblaethau academaidd priodol."
Dywedodd Syr Emyr Jones Parry, Llywydd y Gymdeithas:
“Mae cael eu hethol yn gydnabyddiaeth o ragoriaeth a chyflawniad. Maen nhw a’u gwaith yn ysbrydoliaeth i’r genedl. Caiff Cymrodyr eu hethol ar sail teilyngdod, ac unwaith eto mae’r nifer o Gymrodyr benywaidd yn cynyddu.”
Sefydlwyd y Gymdeithas yn 2010, ac mae’n tynnu ar gryfderau sylweddol dros 500 o Gymrodyr nodedig yng Nghymru, y DU a thu hwnt.
Drwy ddod â’r Cymrodyr mwyaf llwyddiannus a thalentog sy’n gysylltiedig â Chymru at ei gilydd, mae’r Gymdeithas Ddysgedig yn cyfrannu at ddatblygu a hyrwyddo rhagoriaeth ym mhob disgyblaeth ysgolheigaidd gan ddarparu cyngor arbenigol ac annibynnol i’r Llywodraeth.
Dyddiad cyhoeddi: 19 Ebrill 2018